(NRK Sápmi 11.05.2022) Dav lä kommuvdnastïvvrá Fuoldán ïkktu mierredam. Kommuvdna lä maj Sámediggáj tjállám gunnä kommuvdna gatjadij jus duhkki sámegielan bär «Fuoldá suohkan» gunnä lä «Sørfold» dáron. Dán rájjáj lä julevsáme namma urrum «Oarjep Fuolldá» (mij lä «Årjep Fualldá» bidumsámen).
Kommuvdnalága mildi lä Kommuvdna- ja guavvlodepartemännta mij dággár ässjijt vijmak mierreda, ja Sámedigge ráđe mildi dä kommuvdnastïvra mierrediebme duhku sáddiduvvu.
– Sjilta kommuvdnarájájn Hábmera ja Fuosko vuässte lä maj 1980-lågost ja lä juo binnát nåhkåmin. Dá sjilta verrti ham åđåstuvvut, ja dajna dä verrti sáme buohtalatj namma maŋen, la mierrádus Fuoldá kommuvdnastïvrást.
